Fylte Festsalen med smil

Det blei lova fest då Sparebank 1-stiftinga Kvinnherad bikka 150 millionar kroner i utdelte gåver tysdag 2. mai. Og fest blei det. Med sprudlande velkomstdrinkar blei delegatane for dei 84 gåvemottakarane ønskt velkomne til duk og dekka bord i Festsalen i Kulturhuset Husnes. I løpet av kvelden blei 11,2 millionar kroner fordelte på dei heldige utvalde, og forutan pengar til tiltak som kjem mange til gode, vanka det buffé med eit rikt utval smakar, søte marsipankaker og eit aldri så lite musikalsk kulturinnslag.