Urheim tar over som rektor på Hatlestrand skule

Lilli Britt Urheim tiltrer i stillinga som rektor på Hatlestrand skule 1. august. (Arkivfoto).

Lilli Britt Urheim tiltrer i stillinga som rektor på Hatlestrand skule 1. august. (Arkivfoto).

DEL

Lilli Britt Urheim frå Ølve er for tida rektor på Husnes ungdomsskule, ein jobb ho har hatt sidan 2017. Etter sommarferien blir ho rektor for Hatlestrand barne- og ungdomsskule, som er ein del av Nordsida oppvekstområde. Oppvekstområdet omfattar også Hatlestrand barnehage, Varaldsøy barnehage og Ølve barnehage.

– Eg får ikkje lange vegen til jobb no, men det å pendla er ein vane, så det var ikkje difor eg søkte. Å pendla er mentalhygiene, og ein får sortert ut mykje på ein lang biltur. Det var ein lang prosess å bestemma seg for å søkja, for eg stortrivst verkeleg i jobben på Husnes ungdomsskule med utruleg dyktige kollegaer. Eg meiner det er få jobbar i Kvinnherad kommune som er så spennande som den! Samtidig så får ein ved Nordsida oppvekstområde ansvar for borna frå barnehagen og ut ungdomsskulen, og då i eit nokså lite miljø. Det gjer ein slik jobb ganske unik og er ei stor oppgåve som eg gler meg til å ta fatt på saman med dei gode folka der, seier Urheim om nye-jobben.

Stillinga på Husnes ungdomsskule er no lyst ut, med søknadsfrist 15. mars.

Send tekst og bilde «

Vi vil gjerne høyra om smått og stort som går føre seg i Kvinnherad. Hjelp oss å vera overalt!

Artikkeltags