Gå til sidens hovedinnhold

«Ikkje ta vekk den nykokte maten!»

Artikkelen er over 1 år gammel

MEININGAR Dette er eit debattinnlegg. Innlegget gir uttrykk for skribenten sine haldningar.

Eg vil koma med ein kommentar til Gretha Rød og resten av politikarane som gjeld kjøkenet ved Ølve alderspensjonat. I avisa kan vi lesa at Rød i formannskapet skal ha spurd kvifor det skal vera kjøken i Ølve, og ikkje på til dømes Kvadraten på Husnes. Argumentet skal ha vore at ein må behandla alle likt.

Eg meiner også ein må behandla likt. Og dette må ein gjera med å gi alle eldre nykokt middag kvar dag, anten dei bur i Ølve, på Kvadraten eller i andre omsorgstiltak. Og eg synest ingenting om at ein set institusjonane opp mot kvarandre.

Då alderspensjonatet opna i 1991, var det ein kafé her som serverte middag. Då var det ei stund at brukarane fekk kok-kjøl-mat. Og då bad dei om heller å få servert nykokt mat, noko som blei ein realitet i 1993. Sidan har brukarane hatt nykokt middag kvar dag, og det er ikkje greitt å ta det ifrå dei no.

No må politikarane vera vaksne nok til å ta ansvar for det dei lova i valkampen, og få tilbake kjøken til alle institusjonane. Til og med regjeringa har gått inn for å stimulera til kjøken på institusjonar gjennom midlar kommunane kan få, så her er det berre å få fingeren ut!

Marit Storedale

Kommentarer til denne saken