80 på korpsseminar

I helga var det skulekorpsseminar i Rosendal for skulekorpsa Husnes, Rosendal, Uskedalen og Tysnes. Seminaret vart avslutta med konsert i Rosendal samfunnshus søndag 13. september der den kjende Tarzan-film-songen «Trashing the camp» (meir kjent som«Doo-bap-she-doo»), var eit flott finalenummer.

Av
Artikkelen er over 5 år gammel

80 unge musikantar var i helga samla på seminar i Rosendal. Det vart ei samling prega av speleglede og fellesskap. Samlinga vart avslutta med festkonsert søndag ettermiddag. Sjå video av avslutningsnummeret!

DEL

Denna helga har 80 unge korpsmusikantar i alderen åtte til 18 år vore samla til seminar i Rosendal samfunnshus og på malmanger skule. I løpet av fredag til søndag deltok dei på gruppeøvingar og fellesøvingar, før det heile vart avslutta med konsert søndag ettermiddag. Musikantane kom frå skulekorpsa på Husnes, i Uskedalen, Rosendal og Tysnes.

Yngve Nikolaisen var hovudinstruktør. Han hadde henta inn instruktørar både frå Wales, Eikanger/Bjørsvik-miljøet og korpsmiljøet i Bergen. Dette var tredje seminaret i løpet av tre år som blei arrangert for unge korpsmusikantar i Kvinnherad.

– Vi har fått i gang desse seminara på grunn av god støtte frå Sparebank1-stiftinga og Kvinnherad Energi, sa Martha Skeie Olsen i leiinga for Rosendal skulekorps som var arrangementsansvarleg dette året.

– Dette er veldig kjekt. I tillegg til at vi lærer mykje, så er det kjekt å bli kjend med andre korpsmusikantar, seier Line Vestvik Flatland (13).

Send tekst og bilde «

Vi vil gjerne høyra om smått og stort som går føre seg i Kvinnherad. Hjelp oss å vera overalt!

Artikkeltags

Kommentarer til denne saken