Kven meiner du fortener Kvinnheringen sin juleblom i år?
Her ser du nokre av dei som fekk juleblom av Kvinnheringen i fjor. Oppe frå venstre: Christoffer Fossli og Monica Hermann i Uskedalen, og "Brøddamo" Trude Beckholdt. Nede frå venstre: Kari Ersland på Ersland og Evy Brekke i Matre. (Arkivfoto).
Tips oss om kven du meiner fortener ei lita ekstra påskjøning i førjulstida!
Tradisjonen tru skal Kvinnheringen også i år dela ut juleblomar til dei som fortener det.
Derfor treng vi tips til gode kandidatar som gjer noko litt ekstra til glede for andre enn sin nærmaste familie.
Det kan vera nokon som jobbar frivillig, som stiller opp på dugnad år etter år, eller som spreier glede til folk rundt seg.
Send tips til oss på e-post til redaksjon@kvinnheringen.no, og skriv nokre linjer om kvifor du føreslår den aktuelle personen. Kanskje er det akkurat han eller ho Kvinnheringen trekker ut til å få ein blom!
Her kan du sjå nokre av dei som har fått juleblom tidlegare år.
Kommentarer til denne saken