Via operasjonssentralen til Vest politidistrikt fekk Kvinnheringen vita at politiet fekk melding om den sakna kvinna rundt klokka 19.50 fredag kveld. Det var pårørande som meldte frå om at ho hadde forsvunne, truleg frå bupælen sin på Husnes.
Kvinna er 79 år, og er truleg iført lyse klede. Ho kan ha ei mørkeblå jakke og lysegrå sko på seg. Ho har nordnorsk dialekt og langt, stritt grått hår.
Utanom naudetatane var frivillige frå Kvinnherad Røde kors og Norsk folkehjelp involvert i leiteaksjonen, fekk Kvinnheringen opplyst rundt klokka 23.30. Norske redningshundar var også rekvirert.
Politiet ønskjer tips frå publikum som kan ha opplysningar om kvinna.
Oppdatering: Rundt klokka 00.40 natt til laurdag meldte operasjonssentralen på Twitter at kvinna var komen til rette.