Opptur med Valedamene

Valedamene arrangerer for første gong løpet «Spirdalen opp» i morgon. Her ser du eit utval av damene i laget. F.v. Silje Teigen, leiar Veronica T. Thorsen, Birthe T. Eik, Annoluise Benjaminsen, nestleiar Karianne Solheim, vara Liven Santiago, styremedlem Wenche Anfinsen og vara Synnøve Handeland. (Arkivfoto).

Valedamene arrangerer for første gong løpet «Spirdalen opp» i morgon. Her ser du eit utval av damene i laget. F.v. Silje Teigen, leiar Veronica T. Thorsen, Birthe T. Eik, Annoluise Benjaminsen, nestleiar Karianne Solheim, vara Liven Santiago, styremedlem Wenche Anfinsen og vara Synnøve Handeland. (Arkivfoto).

Artikkelen er over 1 år gammel

I morgon, laurdag, arrangerer Valedamene opptur til Svartatjødno.

DEL

Her kan ein delta i Valedamenes første løp, «Spirdalen opp», eller ein kan velja å gå natursti som er ei familieløype opp til Svartatjødno, skriv laget i ei pressemelding. Ved Svartatjødno vil 7. klasse på Valen skule selja kaker, saft og kaffi.

Valedamene ynskjer òg å gi eit gratis tilbod til pensjonistar eller andre som ikkje klarer turen på eiga hand.

– Me har bilar og mannskap som kan frakta folk oppover slik at fleire kan delta og få sjansen til å sjå den nye vegen gjennom Valedalen. Her er det berre å ta kontakt med Valedamene om ein ynskjer å få skyss til å vera med på tur, skriv dei.

Valedamene er òg i gang med årets siste dugnad til inntekt for bygdehuset på Valen.

– Me har diverre oppdaga at det kjem vatn inn i kjellaren, og arrangerer difor loddsal og basar 9. november for å finansiera ei drenering før me kan setja i gang oppussing av kjellaren. Her er målet at det skal verta felles trimrom for folk i alle aldrar i bygda, avsluttar Valedamene pressemeldinga.

Artikkeltags