Mykje fint vêr gir skogbrannfare
Etter fleire dagar med sol og lite nedbør er det skogbrannfare både austanfjells og på Vestlandet. (Illustrasjonsfoto frå arkivet).
Etter fleire dagar med sol og lite nedbør er det skogbrannfare både austanfjells og på Vestlandet, ifølgje Meteorologisk institutt.
Meteorologisk institutt melder om lokalt stor gras- og lyngbrannfare i område der det ikkje ligg snø austanfjells.
Tilrådinga er å vere varsam med open eld då vegetasjonen lett kan ta fyr, og store område kan bli råka. Måndag låg temperaturane over 20 grader fleire stader. Varmast i landet var Gulsvik i Flå kommune, der det vart målt 22,3 grader.
Også på Vestlandet er det meldt om lokalt stor gras- og lyngbrannfare i område der det ikkje ligg snø.
(©NPK)
Vi vil gjerne høyra om smått og stort som går føre seg i Kvinnherad. Hjelp oss å vera overalt!