På NRK i morgon
Torsdag kveld blir seksjonsoverlege Tone Henriksen frå Valen sjukehus å sjå på Schrödingers Katt på NRK 1, der ho skal snakka om oransje briller som behandling mot bipolar mani. (Foto: Helse Fonna).
Tone Henriksen er seksjonsoverlege på Valen sjukehus, og forskar på ein ny og lovande behandlingsmetode for bipolar mani. I morgon kan du sjå ho presentera forskinga si på Schrödingers Katt på NRK 1 torsdag kveld.
Henriksen sjølv gler seg til sendinga, ifølgje ei pressemelding frå Helse Fonna:
– Det beste med dette innslaget er bodskapen til pasientar, pårørande og helsevesenet; at funna i studien gir støtte for at vi har ein ny og effektiv behandlingsmåte for bipolar mani.
Forskinga til Henriksen går ut på å å regulera døgnrytmen hos pasientane ved å blokkera det blå i lyset rundt oss. Dette kan ein gjera ved å bruka oransje briller, som filtrerer lyset.
– Studien har ein enkel design, og saman med eit sterkt resultat blei dette attraktivt for NRK sitt tv-program, fortel Henriksen.
Schrödingers katt går på NRK 1 torsdag kveld 18. februar, men du kan også sjå opptaket på nett-tv.
Studien er ikkje avslutta. Les meir om forskinga til Henriksen her.
Vi vil gjerne høyra om smått og stort som går føre seg i Kvinnherad. Hjelp oss å vera overalt!