Ternen sine jenter til topps i turnering

(f.v. bak) Sofie Ness, Gabrielle Kolosinskaite, Ingeborg E. Ersland, Vilte Kolosinskaite, Madly Skarveland, Adele Askeland, Maria E. Ersland, Hedda Elisabeth Heimvik.

(f.v. bak) Sofie Ness, Gabrielle Kolosinskaite, Ingeborg E. Ersland, Vilte Kolosinskaite, Madly Skarveland, Adele Askeland, Maria E. Ersland, Hedda Elisabeth Heimvik.

I helga gjekk jentene i Ternen IL til topps i B-sluttspelet på Sandar cup.

DEL

Denne helga reiste åtte kampklare jenter frå Utåker til Sandefjord for å delta på årets Sandar cup. Helga blei ei suksess og jentene kunne jubla over både finalesiger og pokal.

Siste kamp i jentene sitt cupeventyr gjekk mot Holmen IF, kor Ternen leda 1–0 fram til berre sekund før domaren blåste.

Det førte til nokre nervepirrande ekstraomgangar, og godt ut i andre ekstraomgang kom høgdepunktet i turneringa, då Maria Eikemo Ersland scora 2–1-målet i golden gold.

Då kunne åtte slitne, men glade jenter, og supporterane på sidelinja, sleppa jubelen laus.

Dei åtte jentene, som konkurrerer i 13-årsserien, har eit alderspenn frå 12 til 14 år, og har spelt saman i fleire år. Dei er nærmast uslåelege, og på fjorårets Bø-cup var det ikkje eitt lag som klarte sigra over dei.

Ternen vann alle kampane i førre serie, og er snart klare til å ta fatt på haustsesongen. Også i år har dei så langt vunne alle kampane sine.


Send tekst og bilde «

Vi vil gjerne høyra om smått og stort som går føre seg i Kvinnherad. Hjelp oss å vera overalt!

Artikkeltags