Hardanger Fjordsafari: Overraska over talet på gjester med stor lommebok

Hardanger Fjordsafari testa marknaden i 2017 og hadde full sesong i 2018. Helge Vik og Lars Inge Thorset driv ilag.

Hardanger Fjordsafari testa marknaden i 2017 og hadde full sesong i 2018. Helge Vik og Lars Inge Thorset driv ilag. Foto:

Selskapet som køyrde testturar i 2017, har no to fartøy. Den nyaste riben er spesialtilpassa kundegruppa.

DEL


(Hardanger Folkeblad): – Det er ein del dagar der me må ha to båtar i sving, seier Lars Inge Thorset.

Han er medeigar i Hardanger Fjordsafari. Den andre eigarposten tilhøyrer Helge Vik.

– Båten er kjøpt med tanke på kundegruppa som kjem sjøvegen til Eidfjord med cruiseskip. Passasjerane der er gjerne over 70 år, forklarar Thorset.

Skal ein sitja på med nye-båten, må ein ikkje stiga over setet som på ein hest, slik det er på rib-båten dei kjøpte i 2017.

Den nye er spesielt tilpassa. Passasjerane bak sit høgare oppe enn dei framme. Dei sit på eit slags podium, noko som vil gje betre sikt også for dei som ikkje sit heilt framme.

Artikkelen held fram under biletet.

Den nye rib-båten til Hardanger Fjordsafari tek 12 passasjerar. Dei bak sit høgare oppe enn dei framme. Ikkje berre plassering, men òg utforming av seta gjev fordelar.

Den nye rib-båten til Hardanger Fjordsafari tek 12 passasjerar. Dei bak sit høgare oppe enn dei framme. Ikkje berre plassering, men òg utforming av seta gjev fordelar. Foto:


Kan driva heile året

Nyebåten er òg tilpassa heilårsbruk. For sjølv om hovudsesongen er frå 1. april og ut oktober, vil Hardanger Fjordsafari gjerne ha gjester på vinteren.

Selskapet vart etablert i 2017 og hadde full drift i 2018-sesongen. Dei driv i hovudsak med turisttrafikk i fjordområdet utanfor Eidfjord, og har hovudkundegrunnlaget knytt til cruiseaktivitet, men tek òg imot gjester som sjølv vil bestemma kor båten skal gå.

Til dømes har dei frakta ei gruppe frå Eidfjord til Rosendal, etter at gruppa hadde gått på ski over Hardangerjøkulen.

– Individuelt reisande med stor lommebok som fartar gjennom distriktet, er ei kundegruppe me har hatt meir av enn me hadde rekna med, seier Thorset.

  • Les òg: Har plan om vinterturisme med ny båt

Artikkelen held fram under biletet.

Den nye rib-båten kan køyra i 45 knopp. Det hender Hardanger Fjordsafari har med seg fastbuande på tur òg.

Den nye rib-båten kan køyra i 45 knopp. Det hender Hardanger Fjordsafari har med seg fastbuande på tur òg. Foto:


Fekk næringslån

Då selskapet skulle invitera i ny båt, søkte dei Eidfjord kommune om eit næringslån på 500 000 kroner. Dei fekk innvilga 400.000 kroner.

Den nye båten har ein prislapp på kring 1,7 millionar kroner inkludert moms.

– Me driv i fortsetjing av fjoråret. Den nye båten ser ut til å ha vore ei lur investering. Den har fungert bra, meiner Thorset.


  • Les òg: Selde billettar for nær seks millionar kroner frå turistkontoret

Denne saka er henta frå Hardanger Folkeblad.

Send tekst og bilde «

Vi vil gjerne høyra om smått og stort som går føre seg i Kvinnherad. Hjelp oss å vera overalt!

Artikkeltags