Omstock 2019 skjer helga 7. til 9. juni. Frå før har arrangørane annonsert at følgjande artistar er ein del av programmet: Divin' Ducks med Morten Hjøllo i spissen, Jon Hjørnevik og Dagfinn Iversen, det irske bandet Greenland Whalefishers og den tøffe duoen Kickslip med kanskje ein av landets beste trommisar – Baard Kolstad.
Snart slepp Omstock fleire spennande artistar, men siste nytt er altså at Claus Pilgaard, betre kjent som «Chili Klaus», kjem for å halda show på dagtid laurdagen. Pilgaard har dei siste par åra gjort chili og chili-smaking svært populært. Du har sikkert fått med deg dei hysteriske videosnuttane der han introduserer sterke chili-typar til både kjente og mindre kjente personar, som til dømes Truls Svendsen og Kristian Valen.
Klaus har sidan gjennombrotet utvikla sin eigen butikk med chili-spesialitetar, samt gitt ut fleire bøker. Det blir garantert artig å sjå han «live», og kanskje utfordrar han kvinnheringane òg til å smaka chili?