Politiet på Snapchat under Landstreffet

I ei pressemelding opplyser Sør-Vest politidistrikt at politiet skal vera på Snapchat under Landstreffet for russen i Kongeparken 3.–5. mai.

Politiet skriv at Snapchat for tida er dei unge sin føretrekte kommunikasjonskanal, og at det der er ein låg terskel for å melda frå.

Målet er å gi russen ei trygg russefeiring. Politiet på Snapchat er eit samarbeid mellom Kripos og Sør-Vest politidistrikt, og skal vera eit supplement til dei vanlege patruljane på staden.

Les meir om:
• nyhende
• russen
• kommunikasjon