Underskriftkampanje for Marius

Marius Ripel Jensen har eit stort ønskje om å få prøva seg i Superbike-klassen i NM denne helga. Han fekk avslag på dispensasjonssøknaden til Norsk Motorsportforbund, men får støtte av roadracing-miljøet som no har starta underskriftskampanje. (Foto: Picman.co.uk).

Marius Ripel Jensen har eit stort ønskje om å få prøva seg i Superbike-klassen i NM denne helga. Han fekk avslag på dispensasjonssøknaden til Norsk Motorsportforbund, men får støtte av roadracing-miljøet som no har starta underskriftskampanje. (Foto: Picman.co.uk).

Artikkelen er over 3 år gammel

Norsk Motorsportforbund har avslått Marius Ripel Jensen sin søknad om å få køyra NM-finale i Superbike denne helga. No får han full støtte frå roadracing-miljøet, som har starta underskriftkampanje.

DEL

Knallsesong for Marius

Roadracing-talentet frå Husnes har hatt ein eventyrleg debutsesong dette året, og har vunne 14 av 16 løp han har delteke på i klassane Rookie 1000 og Nasjonal 1000 i Norgescupen. Ripel Jensen har eit stort ønskje om å få delta i NM-finalen i klassen Superbike, som eigentleg berre er for A-førarar. I reglementet for roadracing står det at opprykk frå B-førar til A-førar berre kan skje etter enda sesong og gjeld frå 1. januar påfølgjande år. Men ein kan søkja om dispensasjon, noko Ripel Jensen har gjort. No har motorsportforbundet avslått søknaden hans, og reaksjonane let ikkje venta på seg.

Nettstaden roadracing.no har skrive ein artikkel om situasjonen, og kallar Ripel Jensen sin debut innanfor sporten for «en prestasjon som er unik i Norsk roadracing, og veldig få førere har klart dette i en debutsesong, om noen i det hele tatt». No har nettstaden teke initiativ til ein underskriftskampanje i håp om at Norges Motorsportforbund likevel vil gi Ripel Jensen dispensasjon til å køyra NM-finalen i Superbike på Rudskogen denne helga.

«Marius Ripel Jensen har søkt om å få dispensasjon til å kjøre NM finalen, og man skulle tro at han hadde en god søknad. Men NMF har avslått søknaden uten annen begrunnelse enn at det i tidligere år har blitt begått en feil ved opprykk av førere som ikke hadde nok poeng. Altså et lite begrunnet og urelevant svar på søknaden. En apell på avslag om å delta på NM finalen har heller ikke ført frem. I en video på NMF sine Facebook-sider har forbundet lagt ut en video hvor de blant annet peker på lav påmelding til løp og mangel på rekruttering til sporten (…) Da er det naturlig å stille spørsmål til hvorfor man ikke kan få se et talent i NM finalen. «Det gis mulighet for å søke om dispensasjon» står det i reglementet for opprykk i innværende år. Søknaden er altså avslått med en tynn begrunnelse som ikke burde knyttes til årets førere. Roadracing.no ønsker å se RR-talentet i årets NM-finale i Superbike ved Rudskogen 3.-4. september, og åpner med det en underskiftskampanje. Vi trenger din hjelp! Skriv i kommentarfeltet under at du støtter at Marius Ripel Jensen skal få delta. Underskiftskampanjen vil bli overlevert NMF innen kort tid!» står det i artikkelen. Så langt har 383 personar støtta underskriftskampanjen.

Send tekst og bilde «

Vi vil gjerne høyra om smått og stort som går føre seg i Kvinnherad. Hjelp oss å vera overalt!

Artikkeltags