– Spring eller gå, og bidra til Kreftforeningen

Russen er klare for å ta eit «krafttak mot kreft». 7. mars arrangerer dei «Løp for livet» her ved Husnes idrettspark, og 12. mars går dei med bøsser – begge delar gjer dei for å samla inn pengar til Kreftforeningen. Her ser du Amalie Røstbø og Kjerstin Guddal Jansson i innsamlingskomiteen.

Russen er klare for å ta eit «krafttak mot kreft». 7. mars arrangerer dei «Løp for livet» her ved Husnes idrettspark, og 12. mars går dei med bøsser – begge delar gjer dei for å samla inn pengar til Kreftforeningen. Her ser du Amalie Røstbø og Kjerstin Guddal Jansson i innsamlingskomiteen.

Artikkelen er over 3 år gammel

12. mars skal russen gå med bøsser for Kreftforeningen. Men ikkje nok med det – no arrangerer ungdommane eit heilt nytt løp i tillegg, for å samla inn ekstra pengar.

DEL

Krafttak mot kreft er Kreftforeningen sin årlege innsamlingsaksjon, og russen rundt om kring i landet står faktisk for over 80 prosent av totalsummen som blir samla inn kvart år. Sjølve innsamlingsaksjonen i Kvinnherad blir søndag 12. mars, og då skal russen gå heim til innbyggjarane med bøsser over heile kommunen. Russen har også fått eige Vipps-nummer, som gjer at dei som ikkje har kontantar berre kan «vippsa» pengar til aksjonen.

Men russen ville finna på noko ekstra utover det å gå med bøsser, og arrangerer i tillegg eit eige løp tysdag 7. mars.

– Vi var inne på fleire ting vi ville stella i stand, men fann ut at eit slikt løp var enkelt å gjennomføra utan utgifter, og for å få blest rundt innsamlingsaksjonen. 100 prosent av det vi får inn vil gå til Kreftforeningen. Ved å delta på «Løp for livet» får ein frisk luft, mosjon og støttar samtidig ei veldig god sak, fortel Kjerstin Guddal Jansson og Amalie Røstbø i innsamlingskomiteen.

Dei håpar så mange som kan vil delta på løpet, og anten spring eller går grusløypa ved Husnes idrettspark og ungdomsskulen. Elevane på KVV får gyldig fråvær for å delta. Innsamlinga fungerer slik at deltakarane får sponsorar, som på eit skjema skriv kor mykje dei støttar deltakaren med per runde i løypa. Sponsorane kan vera alt frå foreldre til bedrifter eller andre dei kjenner, og både store og mindre summar blir verdsett.

– Tema for årets aksjon er uhelbredeleg kreft, og det er noko vi som russ verkeleg ønskjer å støtta. Alle kjenner vi nokon som er kreftramma, og med pengane vi samlar inn vil Kreftforeningen kunna gi dei med uhelbredeleg kreft flest mogleg leveår og best mogleg livskvalitet, seier Amalie.

– Vi ønskjer å visa at vi som er russ ikkje berre er opptekne av festing og tull, men at vi også kan bidra til samfunnet og slike viktige saker, legg Kjerstin til.

Artikkeltags

Kommentarer til denne saken