Gå til sidens hovedinnhold

Samde om samarbeid

Artikkelen er over 6 år gammel

Tysdag kveld vart Høgre, Senterpartiet, KrF og Venstre samde om å arbeida ut ein samarbeidsavtale i dagane framover. Det som er klart er at Peder Sjo Slettebø (H) blir ordførar og Hans Inge Myrvold (Sp) varaordførar.

Samtalane starta i 15-tida og ifølgje Slettebø vart det raskt semje om å jobba for ein koalisjon med H, Sp, KrF og V.

– Vi ønskjer å koma i land med ein koalisjon med KrF og Venstre, seier Slettebø og Myrvold.

Drøftingane vil halda fram gjennom epostkorrespondanse onsdag og vidare framover.

– Kva om forhandlingane ikkje fører fram? Er det ein plan B?

– No har H og Sp fleirtal saman, men me ønskjer å koma i land med ein brei koalisjon – me held oss til plan A, seier Slettebø.

Dei fire partia vil ha 21 av 35 representantar i det nye kommunestyret.

Slettebø og Myrvold ønskjer elles meir samarbeid i lokalpolitikken:

– Me vil vera rausare med opposisjonen enn det me har opplevd i opposisjon, seier dei to. Det er viktig å få ein politikk for heile kommunen.

Kommentarer til denne saken