OPPDATERT KL. 17:10: Trio - Åsane G14 0–1 (slutt)

Trio sitt G14 lag (11-ar) har kome seg til ein imponerande åttedelsfinale i a-sluttspelet.

– Dette er ein sensasjonell og historisk åttedelsfinale! skryt trenar Christer Pedersen på telefon til Kvinnheringen frå Oslo.

Gutane fekk ein dårleg start på turneringa med eit 1–5-tap mot Gimletroll. Etter det har dei ikkje sett seg tilbake. Torsdag føremiddag banka Trio-laget Kopervik heile 7–0 og dermed ventar ein svært spennande åttedelsfinale mot Åsane Fotball 1 torsdag ettermiddag klokka 16:15.

Trio-laget forventar tøff motstand frå Åsane, eit lag dei kjenner frå før. Sjølv om dei ikkje skulle vinna kampen seinare i dag, er dei svært stolte over å vera topp 16 i Norway Cup 2022, fortel Pedersen.

– Vi er i ein av dei tøffaste klassane. Det var 136 påmelde lag, seier ein kry fotballpapppa.

– Korleis har gutane det?

– Dei fekk ein lettare kamp enn dei trudde mot Kopervik. Vi såg tidleg at vi kom til å vinna. I andre omgang slappa dei meir av. Akkurat no kvilar dei og vi satsar på friske og raske bein til åttedelsfinalen, fortel Pedersen.

Laget fekk òg ei hyggjeleg melding frå Freddy dos Santos etter kampen mot Kopervik:

Trio sitt G14-lag (11ar) spelar torsdag klokka 16:15 åttedelsfinale mot Åsane Fotball 1. Etter sigeren over Kopervik tidlegare på dagen, fekk Trio-gutane Jakob Gjerde (t.v.), Nicklas Handeland Stensletten (t.h.) og laget deira ei lukkeønsking frå fotballprofil Freddy dos Santos føre ettermiddagens spennande oppgjer i a-sluttspelet. Video: Jan Roger Gjerde

Det andre laget til G14-gutane spelar sjuarfotball, og kom seg til kvartfinalen i b-sluttspelet. Der blei Brumunddal Fotball eit lite hakk for sterke og vann 1–0.

– Det er heilt fantastisk å vera her med gutane. Sjølv om vi er to lag er vi vanlegvis eitt lag. Vi er veldig opptekne av samhaldet på tvers av laga her, fortel Pedersen.

Halsnøy J15 har gjort ein imponerande innsats i årets turnering. Dessverre blei det meksikanske laget U de Chile for sterke i 1/16-finalen i a-sluttspelet torsdag, der det blei 0–3-tap.

– Vi er kjempestolte over prestasjonen deira i Norway Cup. Svært gledeleg òg med alt engasjementet og oppslutninga rundt laget. Vi møtte eit sterkt lag i dag som var betre, kommenterer leiar i fotballgruppa til Halsnøy, Richard Erlandsen.

Sjå opptak frå oppgjeret her:

Også Rosendal J13/14 (7ar) leverte ein formidabel Norway Cup-prestasjon ved å ta seg heilt til kvartfinalen i a-sluttspelet. Dessverre blei det exit etter eit knipent 1–2-tap mot Syril.

Desse laga frå Kvinnherad deltok på Norway Cup (klikk på namnet for å sjå resultata deira):

IL Trio G13/14 (7ar)

IL Trio G14 (11ar)

IL Trio G19 (11ar)

IL Trio Rabona G15/16 (7ar)

IL Trio Panenka G15/16 (7ar)

Rosendal TL G13 (9ar)

Rosendal TL G16 (11ar)

Rosendal TL J13 (9ar)

Rosendal TL J13/14 (7ar)

Rosendal TL J15/16 (7ar)

Halsnøy IL J15 (11ar)

  • Sjå full oversikt over kampane som blir strøyma på Direktesport her!

    Slik ser du på Direktesport

    Du kan sjå på Direktesport både i vanleg nettlesar (mobil, nettbrett og desktop) og på TV-en din viss du har ein nyare smart-TV eller Apple TV.

    1. Skaff deg Kvinnheringen-abonnement, om du ikkje allereie har det. Akkurat no får du tilgang for 1 kr for 1 månad.
    2. Søk etter «Direktesport» i app-butikken din.
    3. Last ned appen og følg instruksjonane på skjermen for å logga inn med abonnementet ditt.

    Appane fungerer på Apple TV-ar med tvOS 11.0 eller høgare. Det vil seia modellane Apple TV HD og 4K. For Samsung og LG må du ha ein smart-TV produsert i 2017 eller seinare.