– Rettleiaren kjem klokka 16 i dag, seier kommunikasjonsrådgivar Linda Sørfjord i Utdanningsdirektoratet til NTB.

Rettleiaren skulle i utgangspunktet vere klar torsdag. Mange har likevel reagert på at barnehagane då berre ville få éin arbeidsdag på å førebu opninga.

Regjeringa kunngjorde 7. april at barnehagane skal opnast att måndag 20. april.

Det er FHI og Utdanningsdirektoratet som har hatt hovudansvaret for å utarbeide rettleiaren, som skal gi føringar for korleis smittevernet skal takast vare på når barnehagane opnar att.

– I dette arbeidet har vi vore i dialog med fleire sentrale aktørar i sektoren, seier Sørfjord.

(©NPK)