Vegen er stengd mellom Nesflaten og Håra. Vegtrafikksentralen vest opplyste først at ei ny vurdering ville bli teken fredag formiddag, men i ei oppdatering rett før klokka 4 skriv dei at vegen antakeleg vil vere stengt fram til laurdag på grunn av vêrmeldingane.
– Det har gått fleire skred langs Røldalsvatnet, seier operasjonsleiar Stine Mjelde i Vest politidistrikt til VG.
Politiet har kalla ut frivillige frå Røde Kors og andre organisasjonar. Natt til fredag var det ikkje trygt nok til å ta seg inn i skredområdet.
Ifølgje politiet er det ikkje noko som tyder på at nokon er tekne av raset, men det kan ikkje sjåast heilt bort frå.
(©NPK)
Les også