Stor dag for Johnny

Johnny Furdal leverte knakande godt i søndagens kamp mot Hødd. (Arkivfoto: Magne Turøy, BA)

Johnny Furdal leverte knakande godt i søndagens kamp mot Hødd. (Arkivfoto: Magne Turøy, BA)

Artikkelen er over 2 år gammel

Nest-Stora vann 2-3 på bortebane over Hødd søndag. Heilt sentral var kvinnheringen Johnny Furdal.

DEL

Bergensavisen skriv følgjande om kampen:

Nest-Sotra vann ein knallsterk siger på Høddvoll søndag. Dermed blir det ein rein toppkamp mot Nardo førstkommande søndag på Ågotnes.

Dette var Johnny Furdal sin kamp framfor nokon. Hans tekniske pasningsnivå låg skyhøgt over alle dei andre aktørane på banen. Spelet hans i denne kampen kan takast rett inn i instruksjonsboka for pasningar. Hødd fann aldri mottrekk mot Furdal, som er i storform for tida. Nest-Sotra fekk ein dårleg start, etter at Hødd scora etter bare tre minutt. Furdal fekk ikkje med seg medspelarane før etter pause. Då vart det til gjengjeld fart i sakene. Alexander Dang viste "goalgetter"-ferdigheitene då han scora to mål på rappen. Det negative i denne kampen for Dang, var at han var nær norsk rekord i offside. Trenar Steffen Landro får ta spesialundervisning frå offsideboka i veka som kjem. Andreas Rødsand avgjorde kampen på eit praktfullt langskot frå 16 meters hald. Det var passande på den dagen då Johnny Furdal strødde om seg med gullstøv på Høddvoll.

Kvinnheringen Rune Mo, som òg speler for Nest-Stora, var ikkje på bana i denne kampen.

Send tekst og bilde «

Vi vil gjerne høyra om smått og stort som går føre seg i Kvinnherad. Hjelp oss å vera overalt!

Artikkeltags