Ifølgje Vest politidistrikt sin operasjonssentral fekk politiet melding om hendinga rundt klokka 22.25.

Ein bil skal ha bråbremsa i 80-sona rett etter Sandvoll i retning Utåker, noko som førte til at bilen som kom køyrande bak ikkje rakk å stoppa og small inn i bilen framfor.

Det var fem personar involvert i uhellet, to i den eine bilen og tre i den andre. Det er ikkje meldt om personskadar i samband med uhellet, men politi og ambulanse følgde opp dei involverte.