Buss køyrde utfor
Det var heldigvis lite dramatikk då denne bussen glei ut i grøfta ved Fjelland onsdag morgon. (Foto: Tomas Bruvik).
Såpeglatt føre i morgontimane onsdag førte til at ein buss køyrde i grøfta i Høylandsbygd. Heldigvis vart det verken personskadar eller materielle skadar.
– Dette skjedde rundt klokka 06.20, og sjåføren var åleine i bussen. Trass i at han berre køyrde i 10-15 kilometer i timen, var det så glatt at bussen glei av vegen ved Fjelland. Det var så glatt at bergingsmannskapet hadde vanskeleg med å føta seg, fortel driftsplanleggjar i Tide Buss, Atle Jarle Bauge.
For å unngå skadar på køyretøyet blei ein tungbergingsbil tilkalla for å få bussen på vegen igjen.
Vi vil gjerne høyra om smått og stort som går føre seg i Kvinnherad. Hjelp oss å vera overalt!