Trio tapte for Odda/Tyssedal etter sjansesløseri

5. div. fotball herrar, Husnes Stadion 16/6: Trio–Odda/Tyssedal 1–2 (0–2). Odda var best i første omgang og skåra to gonger etter svakt forsvarsspel frå heimelaget si side. Første målet (28. min) kom etter eit langt gjennomspel, det andre etter hjørnespark i det 33. min. I andre omgang skjerpa heimelaget seg mange hakk og reduserte i det 58. minutt ved Emil Eikeland Voster. På overtid kunne Mads Prestnes Jørgensen ha utlikna då han var åleine med keeper, men Hogne Røneid i Odda-målet var ein av dei beste på banen denne kvelden. Trio hadde nok sjansar i andre omgang til å snu kampen, men var ikkje giftige nok, samstundes som Odda/Tyssedal-målvakta var i storslag. Det var òg nokre situasjonar der Trio ville ha straffe, men i to tilfelle enda det med gult kort til Trio-spelarar for filming. I alt vart det delt ut åtte gule kort, likt fordelt på laga.