Seniortur til Oddavarden

Ut på tur: Onsdag 21. august arrangerer Kvinnherad Turlag seniortur til Oddavarden.pressefoto

Ut på tur: Onsdag 21. august arrangerer Kvinnherad Turlag seniortur til Oddavarden.pressefoto

DEL

Seniorturen onsdag 21. august går til Oddavarden. Sjølv om dette er ein seniortur, er turen open for alle, her er det ingen som spør om alder. Ved frammøte i Rosendal samordnar vi transporten via Odda til Korlevoll, som er utgangspunktet for turen.

Dette er ein fottur i oddingane sitt skiområde, der vi vandrar på godt tilrettelagd sti frå Korlevoll til Oddavarden 937 moh. Frå Oddavarden går vi ned til hyttefeltet i Langedalen oppom tidlegare Solfonn Hotell. Det vert transport attende til Korlevoll. Turen er 12 km lang med samla stigning 300 meter. Vi reknar med å bruka 4 timar, pausar kjem i tillegg.

Hytteentusiast og trekunstnar Kjell Musland orienterer om den store hytteutbyggjinga i Langedalen, og viser oss døme på det rike fugle- og dyrelivet kring hyttene der.

Velkomen til opplevingstur i lettgått terreng hjå naboane våre i aust. Har du bruk for skyss, så ta kontakt på førehand med ein av turleiarane, Hermund Fenne og Kåre Eik.

KVINNHERAD TURLAG


Send tekst og bilde «

Bidra til Ditt Kvinnherad! Vi oppmodar deg til å fortelja om arrangement du skal på eller har vore på. Legg gjerne igjen foto

Artikkeltags