Gå til sidens hovedinnhold

Ulukke i Halsnøytunnelen

Artikkelen er over 3 år gammel

Torsdag morgon krasja ein personbil inn i ein «krok-kasse», eller lasteplan med asfaltutleggjar på, som stod i ro i Halsnøytunnelen. Føraren, ein godt vaksen mann, var åleine i bilen, og kom køyrande frå Halsnøy-sida. Han var bevisst etter ulukka, men blei flydd med ambulansehelikopter til sjukehus fordi ein frykta at han hadde indre skader.

Årsaka til at denne «krok-kassen» eller lasteplanet med asfaltutleggjaren på stod i tunnelen, var at traktoren som frakta denne punkterte der kvelden før, og måtte setja lasteplanet frå seg. Akkurat då den var i ferd med å bli henta ut av tunnelen torsdag morgon, krasja altså personbilen inn i den.

Ulukka førte til lange køar på begge sider av tunnelen i morgontimane. Ved 08.30-tida blei den opna for å sleppa trafikk gjennom, men måtte stengjast igjen medan politiet gjorde åstadsundersøkingar.

Kommentarer til denne saken