Julekonserten vert i Kvinnherad kyrkje onsdag den 30. november. Ensamblet vil dela både kjente og nye juletonar med publikum.
– Vi gler oss over mange gode musikarar og solistar i koret vårt, og vi skal få både høyra solistar, duettar, små ensemble og det samla Cantus Firmus denne kvelden, skriv Solfrid Hellesøy Siqveland i ei pressemelding.
Christian Meaas Svendsen blir med som akkompagnatør til både ensemblet og solist Hallgjerd Hegland denne kvelden. Eva Megyesi trakterer orgelet til både soliststykker og song.
«Repertoaret er breitt, som utdrag frå Händels Messias, folketonar av Ørjan Matre, Christmas carols og Edvard Grieg», les vi.
Cantus Firmus sine medlemmer har øvd saman sidan våren 2016. Rebekka Attramadal leiar koret. Ho har utdanning som organist frå Griegakademiet og NTNU, og arbeider både som organist, songar og lærar i kulturskulen.
– Velkommen til å dela denne kvelden med oss, helsar Siqveland.
